الجزء التاني 


الكريمات و الماسكات و الشامبوهات و البلسم لازم تجيبيها ماركة كويسة و نضيفة و هاقول علي حاجات بعدين كويسة و لازم تجيبيها للشعر الجاف و تكون نسبة ترطيبها عالية جداا.


الماسكات:هانعمل ماسك مرة او مرتين في الاسبوع و احسن ماسك يجمع بين حاجات كتيرة مفيدة هو
معلقتين كبار نخاع متسيح طبعاا + معلقة زيت زيتون + (معلقة زيت خروع وسمسم) + بيضةو تخلطيهم مع بعض كويس اووي و تدهني و توزعيه علي شعرك كويس اوووي بس لازم الشعر يكون نضيف.
الماسك كله علي بعضه بيتغسل بعد الحمام كويس اووي و مابيسيبش اثر بس عايز غسيل كويس.
هانسيب الماسك علي الشعر ساعتين و بعدها نغسل الشعر كويس اووووووووي لحد ماكل الزيوت تروح بماء دافية مش سخنة وانا بشدد انها تكون مش سخنة.هانغسل الشعر بشامبو بس مش هاندلق الشامبو علي شعرنا لان كدة غلط جدااااااا

.احنا هاناخد حبة شامبو في كوباية صغيرة و نزود عليهم ماء و رجيهم شوية و حطيه علي شعرك هاتلاقي شعرك بيرغي اكتر و بينضف بسرعة

و احسن الشامبوهات:

تشي: للشعر الجاف
لي كارتيه: بردو للشعر الجاف
موشنز للشعر الجاف
لوريال باريس
بصراحة هما دول اكتر حاجة انا عارفاهم كويسة جداااااالان الشامبو بتاعهم عامل زي البلسم مرطب جداااااااا اووي


* بعدها هانغسل الشعر ببلسم بردو للشعر الجاف و ده يتحط علي الشعر بس مش فروة الراس

و في ماركات كتيرة حلوة اووووي
تشي: للشعر الجاف
لي كارتيه: بردو للشعر الجاف
موشنز للشعر الجاف
تريسمي للشعر الجاف
جارنيه فركتوز
زيرو فريز
اختاري بلسم حلو ترتاحي عليه.

و بعدها هانحط حمام كريم و بردو هايتحط علي الشعر مش فروة الراس و هانسيبه المدة اللي مكتوبة علي العلبة و بعدها اشطفه كويس اووووي

و الف شعري براااحة بفوطة قطن و استني عليه شوية لما ينشف من الماء

.احسن حمام كريم مرطب قوي ليه كاريتيه بجد تحفة جداااا  و زيرو فريز و لوريال المعالج

بعد لما الشعر يكون ناشف شوية او مندي مش هاحط لا كريمات ولا زيوت
هاحط لوسيون اسمه تريس او فيفيدول او ليندو ده لوسيون طبي
هو مش سيروم زي اللي احنا عارفينه بس هو اسبراي زيت تقيل شوية و حلو جداا للتساقط الشعر الشديد و بيتقل الشعر و بينعم الشعر جداااااا

هاتبخي 6 او 7 بخات علي الجذور بتاعة الشعر الاول و بعدين بختين تلاتة منه علي الشعر نفسه
و هو جميل جداا لانه معالج و في نفس الوقت بينعم الشعر اوي و بيمنع التساقط و بيتقل الشعر

هاتلاقيه في الصيدلية و هو هايعد معاكي كتير جداااااا و سعره حوالي 60 او 70 مش فاكرة بالظبط .
بس عشان يتقل الشعر و يمنع التساقط لازم تستعمليه كل يوم او يوم اه و يوم لا
بعدها تسرحي شعرك عادي و تعمليه طاقية او تلميه براحتك.

الكريمات الطبية

زي روتاج و بروتي كير و فيفيدول و غيرها........... حلوة جدااا للشعر خصوصا انها مكوناتها كلها طبيعية و تقدري تستخدميها علي فروة الراس و الشعر نفسه لان اغلب الكريمات التانية ماينفعش تيجي علي فروة الراس بس الكريمات الطبية هي مخصوصة اصلا لفروة الراس يعني كريم معالج و تصفيف في نفس الوقت.
هي بتقلل التساقط و بتنبت شعر جديد و بتساعد ان الشعر يطول و بتقلل جفاف الشعر.
طبعا النتيجة بعد 3 شهور هاتبتدي تلاحظي الفرق.
و الكريم بتحطيه عادي علي فروة الراس و الشعر نفسه كل يوم او كل ماتحسي ان الشعر محتاج يعني مثيلا يوم احط اللوسيون تريس او روتاج او ليندو او ماجيك اويل او فيفيدول او غيره و يوم احط الكريم.

بعد يوم او يومين لو حسيتي ان شعرك هايش حطي نقطتين تلاتة من سيروم اللي بتحبيه

و السيروم يا جماعة مش معالج بس بيخفف الهيشان و بيمنع التقصيف شوية.


و احسن انواع السيروم
كاريستاس
بعد كده تشي
بعد كدة لوريال باريس
بعد كده زيرو فريز و كريستال هاتي اللي تقدري عليه



تونك فازلين للشعر

ده زيت خفيف اووووي للشعر و فروة الراس بيلمع الشعر و بيطري الشعر جداا
و لو عايزة نتيجة حلوة اووي تقدري تاخدي حبة منه علي ايديكي و 3 او 4 نقط سيروم و تدعكيهم في بعض علي ايديكي و توزعيه علي شعرك هايديكي نتيجة هايلة تقدري تستخدميه كل يوم
علي شعر مبلول او علي شعر ناشف براحتك
و طبعا هاتيه من العزبي او سيف هو سعره 48 او 50 جنيه بالظبط من الصيدليه,, اتاكدي انه اصلي لان المضروب هاتلاقيه ب اسعار غريبة يعني مكن تلاقيه ب 25 او 30
طيب تعرفي منين انه اصلي او مضروب؟
الاصلي زي ماقلت سعره 48 جنيه و قيه ختم دهبي الختم نفسه مكتوب عليه و صنع في الهند
المضروب ارخص كتير و مكتوب عليه صنع الامارات العربية المتحدة و الختم الدهبي فاضي مش مكتووب جوااه حاجة


اسبراي موشنز

ده اسبراي زيت ملمع للشعر بس حلو جداااا و ريحته احلي بكتير.
تقدري تستعمليه لما تكوني عاملة شعرك تسريحة معينة و حسيتي انه نشف و ماينفعش تسرحيه عشان ماتبوظيش التسريحة
بترشي منه من بعيد علي شعرك و ميزته انه بيوزع الزيت علي الشعر كله و مش هاتحتاجي انك تسرحيه و بيدي لمعة قوية اوووي
ده حلو اووي في المناسبات
و تقدري تستعمليه بعد الحمام و الشعر مبلول بس انا افضل ان الشعر و هو مبلول نستخدم سيروم تريس الطبي + شوية سيروم عادي افضل من ده
هو بزيت اللوز الحلو و زيت الجنسنج و الجوجوبا و حاجات تانية بس مش فاكراها
و هي رشتين كفاية اوووي علي الشعر كله.
و بتجيبيه من سمير وليم